Makhaayad soo rogtay amar yaab leh oo laga furay Magaalada Changsha
Maqaayad ku taalla dalka Shiinaha ayaa ku dhaqaaqday talaabbo yaab leh oo aan maqaayadaha dalkaasi looga baran taasoo ah inuu qofka ismiisaamo kaddibna dalabkiisa uu ku saleysnaanayo miisaankiisa.
Maqaayadda ay dadka cunta u doonto iney ismiisaamaan ku qasbeyso ayaa ku taalla bartamaha dalkaasi Shiinaha, iyadoo qofka cuntada uu dalbanayo ay ku xirnaaneyso hadba miisaankiisa inta uu noqdo, iyadoo dadka miisaankooda uu bato cunta yar oo keli ah laga iibinayo.
Maqaayadda oo ku taalla magaalada Changsha ayaa toddobaadkan labada albaab ee maqaayadda laga soo galo ku dhajisay farriin ay dadka maqaayaddaasi ku xiran ku wargelineyso intaynan maqaayadda gelin iney ismiisaamaan.
Maqaayadda waxay sida oo kale hirgelisay nidaam ama App marka uu qofka natiijada miisaankiisa uu geliyo uu moobaaylka u soo saarayo cuntada uu cuni karo ee isaga ku habboon.
Maqaayadda ayaa tallabadaasi qaadday kaddib marki dalka Shiinaha laga billaabay olole heer qaran oo ka dhan ah buurnida oo lagu yareynaya tirada dadka buurbuuran oo dalkaasi ku sii badanaya.