Waxaa maanta Koonfurta magaalada Gaalkacyo kulan ku yeeshay Xildhibaano uu dhawaan magacaabay Madaxweynaha waqtigiisu dhamaaday ee maamulka Galmudug Axmed Ducaale Geelle Xaaf.
Xildhibaanada ku shiray magaalada Gaalkacyo ayaa Gudoomiye Baarlamaan u doortay Xareed Cali Xareed oo horey usoo noqday Gudoomiye kuxigeenka 1aad ee Baarlamaanka koobaad ee Galmudug.
Waxa ay sidoo kale Xildhibaanada ku shiray magaalada Gaalkacyo Madaxweyne kuxigeen u doorteen Ibraahim Sheekh Xasan Guureeye , Dooarshadan ayaana noqoneysa mid kale oo uga soo dartay xaalada Galmudug.
Madaxweyne Xaaf ayaa xilkiisa u tartamin waxa uuna sheegay in wali xilkiisa uga harsan yahay mudo labo sano ah uuna sii shaqeenayo, waxa uuna Xaaf u hambalyeeyay Gudoonka Baarlamaanka iyo Madaxweyne kuxigeenka la doortay.
Galmudug ayaa hada yeelatay labo Madaxweyne oo kala ah Xaaf iyo Sheekh Shaakir , waxaa sidoo kale la filayaa in isbuuca soo socda magaalada Dhuusomareeb Madaxweyne loogu doorto Madaxweyne kale dowlada raali ka tahay.