Faahfaahin: TPLF oo mar kale Gantaallo ku garaacday xarunta gobolka..
Sida ay ku warrantay warbaahinta Itoobiya Gantaallo ayaa xalay lagu garaacay caasimadda gobolka Amxaarada ee Bahirdar xilli uu dagaal ka socda gobolka Tigray,
Waa markii labaad oo gantaallo lala beegsado Bahirdar tan iyo markii labo toddobaad ka hor ay dagaallada ka qarxeen Tigray.
Warbaahinta gobolka waxay ku warrantay in gantaallada ay soo tuureen dagaalyahanada TPLF
Waxaa lagu soo warramayaa in gantaallada aysan wax khasaare ah ka geysanin magaalada.
TPLF waxay ku eedeysay dowladda Itoobiya inay duqeyneyso goobaha ay ku nool yihiin dadka rayidka ah ee dhaca caasimadda Mekelle balse dowladda ayaa beenisay eedeymahaas.