Labo ruux oo ku nool xerada qaxootiga Dhadhaab ee dalka Kenya ayaa laga helay cudurka Covid-19 sida uu shaaciyay sarkaal ka tirsan hay’ada qaxootiga adduunka.

“Xerada Dhadhaab oo ay dadku ka bateen,adeegga caafimaadkana saaran yahay culeys ayaan ka walwal qabnaa dadka kor u dhaafaya labada boqol ee ku nool xerada Dhadhaab.”ayay hay’adda UNHCR sheegtay.

Waxaa jirta cabsi laga qabo in uu cudurkan Covid-19 ku sii faafo gudaha xerada Dhadhaab ee dalka Kenya.

Sidoo kale hay’adda ayaa walwal ka muujisay dad kabadan 320,000 oo ruux oo ku nool meelaha ku dhow dhow xerada qaxootiga Dhadhaab.

Hase yeeshee illaa iyo hadda ayaan laga soo sheegin cudurka Covid-19 xerada qaxootiga ee Kakum taasoo ay ku nool yihiin dad ka badan 196,000 oo qaxooti ah.

Labada ruux ee laga helay cudurka ayaa la geeyay xarun lagu karantiilo xaaladooduna waa wanaagsan tahay sida ay sheegtay Euji Byn oo ah afhayeenka UNHCR.

Dalka Kenya ayaa dadka uu soo ridanayo cudurka Covid-19 ay maalin walba sare u sii kacaysaa iyadoo cudurkan uu ku faafay gobolo badan oo ka mid ah Kenya.