Cutubyo katirsan Ciidamada PMPF Puntland oo maanta tababar loo soo xidhay

Cutubyo katirsan Ciidamada PMPF oo maanta tababar loo soo xiray (Daawo Sawirada)
Madaxweynaha maamul goboleedka Puntland Mudane Siciid Cabdullaahi Deni ayaa maanta magaalada Boosaaso ee xarunta gobolka Bari tababar ugu soo xiray cutubyo ka tirsan ciidamada Badda Puntland ee PMPF.
Ciidamada tababarka loo soo xiray oo lasoo laylinayey muddo 5 bilood ah, waxay noqonayaan dufcaddii 10-aad ee ka baxda Xerada Tababarka Ciidamada Badda Puntland ee dhacda duleedka galbeed ee magaalada Boosaaso.
Madaxweynaha Puntland Siciid Deni ayaa ku amaanay ciidamada tababarka loo soo xiray dadaalka iyo waqtigii ay u horeen mudada tababarka u socday, waxa uuna ciidamadan kula dar daarmay in ay kasoo baxaan waajibaadka qaran ee saaran.
Ciidamada Badda Puntland ee PMPF ayaa ah ciidamo si gaar ah u tababaran oo leeyahay maamulka Puntland, ciidamadan ayaana ka qeyb qaata dagaalada Maamulka Puntland kula jira Al Shabaab.